Azərbaycan respublikası daxİlİ İşlər nazİrlİyİ

BAŞ PASPORT, QEYDİYYAT
VƏ MİQRASİYA İDARƏSİ

Vəsiqənin verilməsi qaydaları

Vətəndaşlar ərazi polis orqanlarının Qeydiyyat və Şəxsiyyət Vəsiqəsi Xidmətləri tərəfindən yaşayış yeri və olduğu yer üzrə qeydiyyata alınaraq şəxsiyyət vəsiqəsi ilə təmin olunurlar.


1. 16 yaşına çatmamış şəxslərə verilən şəxsiyyət vəsiqəsi (şəkilsiz)
2. 16 yaşından yuxarı şəxslərə verilən şəxsiyyət vəsiqəsi.

16 yaşınadək Azərbaycan Respublikası vətəndaşlarının ilk dəfə yaşayış yeri üzrə qeydiyyata alınması və onların şəxsiyyət vəsiqəsi ilə təmin olunması zamanı aşağıdakı sənədlər tələb olunur:

- Ərizə-anket(1 və 2 saylı ərizə forması);

- Uşağın doğum haqqında şəhadətnaməsi;

- Qan qrupu haqqında tibbi arayış;

- Müraciət edən valideynin şəxsiyyət vəsiqəsi.

16 yaşı tamam olmuş vətəndaş şəxsiyyət vəsiqəsi alarkən aşağıdakı sənədləri təqdim edilməlidir:

- Doğum haqqında şəhadətnamə;

- Tibbi arayış (Qan qrupu, boyu, gözünün rəngi);

- Müraciət edən valideynin şəxsiyyət vəsiqəsi;

- Yaşayış yerindən arayış;

- Oğlanlar üçün hərbi komissarlıqdan sənəd;

- 3x4 ölçülü 3 ədəd fotoşəkil;

- Rüsumun ödənilməsi barədə qəbz;


Qeyd: 16 yaşına  çatmış    vətəndaşlar  qeydiyyata   alınmaq   və   ilk   dəfə şəxsiyyət vəsiqəsi almaq üçün ərazi  polis orqanının qeydiyyat və şəxsiyyət vəsiqəsi  xidmətinə   valideynlərindən   biri  və  ya qanuni nümayəndələri ilə birgə müraciət etməlidirlər.

Qeyd: Yaşayış yerini dəyişdirmiş vətəndaş yeni  yaşayış  yerinə  gəldikdən sonra 10 (on) gündən gec olmayaraq qeydiyyata alınması  üçün  ərazi polis orqanına  müraciət  etməlidir.  Həmin  şəxslərdən  yeni    yaşayış  yeri  üzrə qeydiyyata alınması üçün yuxarıda göstərilən sənədlərdən əlavə  şəxsiyyət vəsiqəsi  (şəxsiyyət  vəsiqəsi ilə  təmin  olunmayan  şəxslərdən  isə   köhnə nümunəli şəxsiyyəti təsdiq edən sənəd) tələb olunur.
 
Hərbi qulluqçular (müddətli hərbi  qulluqçulardan başqa) yaşayış  yeri   üzrə ümumi qaydada qeydiyyata alınırlar. Mənzillə təmin olunmayan hərbi xidmətdə olan hərbi qulluqçular  və  onların ailə üzvləri  mənzillə  təmin  olunana  qədər  müvafiq  ərazi  polis  orqanının qeydiyyat və şəxsiyyət vəsiqəsi xidməti tərəfindən hərbi hissə komandanlığının  vəsatəti-məktubu  əsasında  hərbi  hissənin yerləşdiyi yer üzrə qeydiyyata alınırlar.

16 yaşı tamam olmuş vətəndaşlar üçün dövlət rüsumu aşağıdakı kimidir:

* 10 gün müddətində verildikdə və ya dəyişdirildikdə - 5 AZN
* 3 iş günü müddətində verildikdə və ya dəyişdirildikdə - 25 AZN
* 1 iş günü müddətində verildikdə və ya dəyişdirildikdə - 35 AZN 

Regİonal İdarə və şöbələr ətraflı
Elektron növbəyə yazıl daxİl ol